ПРОЦЕСС БУРЕНИЯ

қудуқларни бурғилаш жараёни. Бурғилаш қурилмалари ва агрегатлари ўрнатилгандан сўнг қудуқни қазиш бошланади. Тоғ жинслари механик, термик, физик-кимёвий, электр учқунли ва бошқа усулларда майдаланади. Амалиётда, асосан, жинсларни механик равишда майдалаш кенг қўлланилади. Нефт ва газ қудуқларини айланма бурғилаш усулида ковлаш кенг тарқалган. Бунда қудуқ танаси долотага бериладиган вертикал ёʻналишдаги оғирлик ва айлантирувчи куч таъсирида чуқурлашиб боради. Оғирлик таъсирида долотанинг майдаловчи тишлари (элементлари) жинс ичига кириб боради, айлантирувчи куч таъсирида эса уни қирқади, парчалайди, майдалайди ва тирнайди. Айланма бурғилашнинг икки: роторли ва туб двигателидан фойдаланиш усули мавжуд. Роторли бурғилашда узатма орқали айлантириладиган ротор учига долото ўрнатилган БҚБ ни айлантиради. Туб двигателларидан фойдаланилганда эса долото двигател ўқи ёрдамида айлантирилади, унинг корпуси ва БҚБ ҳаракациз қолади. БҚБ ни сиқилиб қолишдан асраш мақсадида вақти-вақти билан уни ротор ёрдамида бироз айлантириб турилади., Бурғилаш жараёни