ПРИЁМНЫЙ МОСТ СО СТЕЛЛАЖАМИ

burgʻilash va mustahkamlash quvurlarini, uzun oʻlchamli dastgoh (turbobur, elektrbur)larni taxlash, ularni ish maydonchasidagi rotorga uzatish, BQBini uzaytirish hamda burgʻilash dastgohlarini almashtirish va burgʻilash tugagandan soʻng ularni chetga olib qoʻyish uchun xizmat qiladi. Koʻprik bir-biri bilan tutashtirilgan bir necha seksiyali metall ramadan iborat. Ramaga rels payvandlangan boʻlib, uning yordamida quvurlar qiya nov tomon siljitiladi. Koʻprik ish maydonchasi bilan nov va narvoni boʻlgan qiya rama orqali birlashtiriladi. Rama quvurlarni nov boʻylab rotor tomon surishni osonlashtirish maqsadida biroz qiya holatda oʻrnatiladi. Koʻprikning oʻng va chap tomonlariga soʻri oʻrnatiladi. U yengil metall konstruksiyali boʻlib, koʻndalang balkalardan tarkib topadi va gruntga tiralib turadi. Soʻri bilan koʻprik tekisligi bir xil sathga ega boʻladi., Soʻrili qabul qiluvchi koʻprik