ПРИГОТОВЛЕНИЕ БУРОВЫХ РАСТВОРОВ

burgʻilash chogʻida quduq chuqurligi va hajmining oshishi hamda tozalash qurilmalarda, quduqdan quvurlarni chiqarishda va boshqa sarflanadigan eritmalar oʻrnini toʻldirish. Ayrim vaqtlarda eritma aylanadigan sistemadagi eritmalarni butunlay almashtirish (mas., tuzga toʻyinganlarini — chuchuk eritma, suv asosidagilari bilan va sh.k.) lozim boʻladi. Buning uchun katta hajmdagi (100—150 m³ gacha) B.e.t. kerak. B.e.t. mexanik va gidravlik qorishtirgichlarda amalga oshiriladi. Mexanik qurilmalar. Burgʻilashda asosan ikki oʻqli mexanik qorishtirgichlar ishlatiladi, ular yordamida oddiy va ogʻirlashtirilgan burgʻilash eritmalari hamda kimyoviy reagentlarning suvli eritmalari tayyorlanadi. Qurilmalar bir-biridan baraban sigʻimi (0,5; 0,75; 2; 4 va 10 m³) bilan farqlanadi. Neft va gaz quduqlarini qazishda sigʻimi 4 m³ boʻlgan MG2—4 va G2—P2—4 marka (xil)li qorishtirgichlar ishlatiladi. Ular yuqori darajada maydalangan eritmalar hosil qiloladi. Lekin ish unumining (2—4 m³/soat) pastligi, gil materiallar qoʻlda yuklanishi sababli kam samarali hisoblanadi. Frezer — oqimli tegirmonlar (FOT) samarador mexanik qurilma boʻlib, aylanma barabanli qorishtirgichdir. FSM—3 va FSM—7 xillari mavjud. Tegirmondagi material aralashmasi suv yoki burgʻilash eritmasiga urilganda maydalanadi. Ulardan oddiy va ogʻirlashtirilgan eritmalar tayyorlashda hamda unga gil va gil kukuni qoʻshishda foydalaniladi. Bunday hollarda FOTga suv oʻrniga aylanayotgan burgʻilash eritmasi yuboriladi. Gidromanitor qorishtirgichlar kesaksimon materiallardan hamda gil kukunidan eritma tayyorlash uchun ishlatiladi. Ularda gil jinsi boʻlaklari va ogʻirlashtirgich qoʻshimchalar maxsus nasadka (uchlik)dan bosim ostida (50—100 kgs/sm²) oqib chiqayotgan suyuqlik oqimi energiyasi hisobiga maydalanadi. Ish unumdorligi 6—60 m³/soat. Bulardan tashqari, zamonaviy, unumdorligi yuqori (Papirovskiy loyqorishtirgichi, unumdorligi 50 m³/soat, GST—40, gidravlik — GDM—1—70—90 m³/soat) boʻlgan qorishtirgichlar mavjud boʻlib, ular toʻla mexanizatsiyalashgan., Burgʻilash eritmalarini tayyorlash