ПРИГОТОВЛЕНИЕ БУРОВЫХ РАСТВОРОВ

бурғилаш чоғида қудуқ чуқурлиги ва ҳажмининг ошиши ҳамда тозалаш қурилмаларда, қудуқдан қувурларни чиқаришда ва бошқа сарфланадиган эритмалар ўрнини тўлдириш. Айрим вақтларда эритма айланадиган системадаги эритмаларни бутунлай алмаштириш (мас., тузга тўйинганларини — чучук эритма, сув асосидагилари билан ва ш.к.) лозим бўлади. Бунинг учун катта ҳажмдаги (100—150 м³ гача) Б.э.т. керак. Б.э.т. механик ва гидравлик қориштиргичларда амалга оширилади. Механик қурилмалар. Бурғилашда асосан икки ўқли механик қориштиргичлар ишлатилади, улар ёрдамида оддий ва оғирлаштирилган бурғилаш эритмалари ҳамда кимёвий реагентларнинг сувли эритмалари тайёрланади. Қурилмалар бир-биридан барабан сиғими (0,5; 0,75; 2; 4 ва 10 м³) билан фарқланади. Нефт ва газ қудуқларини қазишда сиғими 4 м³ бўлган МГ2—4 ва Г2—П2—4 марка (хил)ли қориштиргичлар ишлатилади. Улар юқори даражада майдаланган эритмалар ҳосил қилолади. Лекин иш унумининг (2—4 м³/соат) пастлиги, гил материаллар қўлда юкланиши сабабли кам самарали ҳисобланади. Фрезер — оқимли тегирмонлар (ФОТ) самарадор механик қурилма бўлиб, айланма барабанли қориштиргичдир. ФСМ—3 ва ФСМ—7 хиллари мавжуд. Тегирмондаги материал аралашмаси сув ёки бурғилаш эритмасига урилганда майдаланади. Улардан оддий ва оғирлаштирилган эритмалар тайёрлашда ҳамда унга гил ва гил кукуни қўшишда фойдаланилади. Бундай ҳолларда Фотга сув ўрнига айланаётган бурғилаш эритмаси юборилади. Гидроманитор қориштиргичлар кесаксимон материаллардан ҳамда гил кукунидан эритма тайёрлаш учун ишлатилади. Уларда гил жинси бўлаклари ва оғирлаштиргич қўшимчалар махсус насадка (учлик)дан босим остида (50—100 кгс/см²) оқиб чиқаётган суюқлик оқими энергияси ҳисобига майдаланади. Иш унумдорлиги 6—60 м³/соат. Булардан ташқари, замонавий, унумдорлиги юқори (Папировский лойқориштиргичи, унумдорлиги 50 м³/соат, ГСТ—40, гидравлик — ГДМ—1—70—90 м³/соат) бўлган қориштиргичлар мавжуд бўлиб, улар тўла механизациялашган., Бурғилаш эритмаларини тайёрлаш