ПРЕДУПРЕЖДЕНИЕ ОБРЫВОВ БУРИЛЬНЫХ ТРУБ

бурғилаш қувурларининг узилиб кетишини огоҳлантириш. Бунга бурғилаш қувурларнинг узилиб кетишдан ва емирилишдан ҳимоя қилиш, ишлаш муддатини узайтириш киради. Олмосли бурғилашда қувурларни ҳимоялашнинг энг оддий ва тежамли, юқори натижали усули уларни нигрол-конифол КАВС таркибли мой билан мойлашдир. БҚБ нинг юзаси бундай мой билан мойланганда бурғилашга сарф бўладиган қувват ва айланиш таранглиги 3—5 марта камаяди. Ювувчи суюқликка турли антифриксион қўшимча ва эмулсиялар қўшилса снаряд емирилишдан яхши сақланади. Узилиб кетишнинг олдини олишни энг самарали усулини СКБ ВПО «Союзтехника» тавсия этган. Шунга кўра қувур, қулф, муфталар ва уларнинг резбалари юзаси индуксион мустаҳкамланади. Емирилишни шаблон ёрдамида назорат қилиш, қувурларнинг мўртлашишдан емирилиши ва металдаги нуқсонларни дефектоскопия (нуқсон аниқлагич) ёрдамида аниқлаш, БҚБ қисмларининг яроқсизларини ажратиш, узилишларнинг олдини олишда асосий усул ҳисобланади. Узилиб қолишнинг олдини олишда қайд этилганлардан ташқари, яна Обқни ишлатиш жуда муҳим. Обқнинг массаси жинсни емирувчи асбобга ўқ бўйича бериладиган оғирликдан 1,25—1,5 марта юқори бўлиши керак. Жинсни емирувчи асбоб ва бурғилаш қувурларининг узилиб кетишини олдини олиш учун қуйидаги тадбирларни ўтказиш зарур: — жинсни емирувчи асбобни қудуққа туширишдан аввал унинг қобиғини, резбасини ва кавшарланган жойларини синчиклаб текшириб чиқиш ва нуқсонлари бор-ёʻқлигини аниқлаш; — қаттиқ қотишма ва матрицаларнинг яхши маҳкамланганлигини, уларнинг коронка қобиғи ҳалқасида тўғри жойлашганлигини аниқлаш; — керн узгичга ёки бурғилаш қувурлар бирикмасига коронканинг охиригача бураб киргазганлигини текшириш; — қудуқ танасининг торайган, коваклар ва новлар ҳосил бўлган жойларида жинснинг емирувчи асбоб ёки қувурлар бирикмасига зарар етказмаслик мақсадида снарядни бир текисда тушириш; — жинсни емирувчи асбобнинг қудуққа туширишда ўйиқликларга урилиб зарарланишидан асраш; — ўқ бўйлаб бериладиган оғирликни аста-секин кўпайтириш, унинг миқдори геологик-техник нарядга кўрсатилганига мос келиши; — қаттиқ қотишмали коронкаларни тишланиб қолишидан сақлаш учун уларнинг ташқи диаметри бўйича емирилишини 1,5 мм дан оширилмаслик; — коронканинг нотўғри ишлаши сезилганда бурғилашни зудлик билан тўхтатиб, бурғилаш снарядини чиқариб олиш; — узунлиги 120—150 мм дан кам бўлган питрали коронкалардан фойдаланилмаслик; — қудуқда керн қисман ёки бутунлай қолиб кетганда навбатдаги рейсда аввал ишлатилган коронкадан фойдаланиш; — коронка ва ўтказгичлар резбасини охиригача калит билан бураш; — коронка ва ўтказгичлар резбасининг охирги айланиш тиши бузилган бўлса, улардан фойдаланилмаслик лозим. Жинсни емирувчи асбоб ва бурғи-, Бурғилаш қувурларининг узилишини олдини олиш