ПРЕДУПРЕЖДЕНИЕ ОБРЫВОВ БУРИЛЬНЫХ ТРУБ

burgʻilash quvurlarining uzilib ketishini ogohlantirish. Bunga burgʻilash quvurlarning uzilib ketishdan va yemirilishdan himoya qilish, ishlash muddatini uzaytirish kiradi. Olmosli burgʻilashda quvurlarni himoyalashning eng oddiy va tejamli, yuqori natijali usuli ularni nigrol-konifol KAVS tarkibli moy bilan moylashdir. BQB ning yuzasi bunday moy bilan moylanganda burgʻilashga sarf boʻladigan quvvat va aylanish tarangligi 3—5 marta kamayadi. Yuvuvchi suyuqlikka turli antifriksion qoʻshimcha va emulsiyalar qoʻshilsa snaryad yemirilishdan yaxshi saqlanadi. Uzilib ketishning oldini olishni eng samarali usulini SKB VPO «Soyuztexnika» tavsiya etgan. Shunga koʻra quvur, qulf, muftalar va ularning rezbalari yuzasi induksion mustahkamlanadi. Yemirilishni shablon yordamida nazorat qilish, quvurlarning moʻrtlashishdan yemirilishi va metaldagi nuqsonlarni defektoskopiya (nuqson aniqlagich) yordamida aniqlash, BQB qismlarining yaroqsizlarini ajratish, uzilishlarning oldini olishda asosiy usul hisoblanadi. Uzilib qolishning oldini olishda qayd etilganlardan tashqari, yana OBQni ishlatish juda muhim. OBQning massasi jinsni yemiruvchi asbobga oʻq boʻyicha beriladigan ogʻirlikdan 1,25—1,5 marta yuqori boʻlishi kerak. Jinsni yemiruvchi asbob va burgʻilash quvurlarining uzilib ketishini oldini olish uchun quyidagi tadbirlarni oʻtkazish zarur: — jinsni yemiruvchi asbobni quduqqa tushirishdan avval uning qobigʻini, rezbasini va kavsharlangan joylarini sinchiklab tekshirib chiqish va nuqsonlari bor-yoʻqligini aniqlash; — qattiq qotishma va matritsalarning yaxshi mahkamlanganligini, ularning koronka qobigʻi halqasida toʻgʻri joylashganligini aniqlash; — kern uzgichga yoki burgʻilash quvurlar birikmasiga koronkaning oxirigacha burab kirgazganligini tekshirish; — quduq tanasining toraygan, kovaklar va novlar hosil boʻlgan joylarida jinsning yemiruvchi asbob yoki quvurlar birikmasiga zarar yetkazmaslik maqsadida snaryadni bir tekisda tushirish; — jinsni yemiruvchi asbobning quduqqa tushirishda oʻyiqliklarga urilib zararlanishidan asrash; — oʻq boʻylab beriladigan ogʻirlikni asta-sekin koʻpaytirish, uning miqdori geologik-texnik naryadga koʻrsatilganiga mos kelishi; — qattiq qotishmali koronkalarni tishlanib qolishidan saqlash uchun ularning tashqi diametri boʻyicha yemirilishini 1,5 mm dan oshirilmaslik; — koronkaning notoʻgʻri ishlashi sezilganda burgʻilashni zudlik bilan toʻxtatib, burgʻilash snaryadini chiqarib olish; — uzunligi 120—150 mm dan kam boʻlgan pitrali koronkalardan foydalanilmaslik; — quduqda kern qisman yoki butunlay qolib ketganda navbatdagi reysda avval ishlatilgan koronkadan foydalanish; — koronka va oʻtkazgichlar rezbasini oxirigacha kalit bilan burash; — koronka va oʻtkazgichlar rezbasining oxirgi aylanish tishi buzilgan boʻlsa, ulardan foydalanilmaslik lozim. Jinsni yemiruvchi asbob va burgʻi-, Burgʻilash quvurlarining uzilishini oldini olish