Последовательный перевод

1. Ogʻzaki tarjimaning ushbu turida notiq soʻzi (nutqi)ning muayyan tugallangan qismi tinglab boʻlingach, bir tildan boshqa tilga tarjima qilinadi. Bunda suhbat ishtirokchisining soʻzi, notiqning nutqi, radio xabari toʻliq bayon qilinadi; tarjimaning bu turi tovushli nutqning toʻliq idrok etilishi, chiquvchi xabarning ogʻzaki nutq shaklida shakllantirilishini koʻzda tutadi., Ketma-ket tarjima

2. Ogʻzaki nutqning tinglab boʻlingandan soʻng ogʻzaki tarjima qilinishi. Ketma-ket tarjimaning quyidagi turlari mavjud: yozib olib tarjima qilish; abzasli-frazali tarjima; bir tomonlama va ikki tomonlama tarjima. Ketma-ket tarjima deganda, asosan tarjima faoliyatining professional turi sifatida nutq (soʻz)ni eshitib ogʻzaki tarjima qilish tushuniladi.

3. Manba matn (nutq) tugagandan soʻng tarjima matnining ovoz chiqarib oʻqilishi.

4. Eshitib qilinadigan ogʻzaki tarjima. Ketma-ket tarjima tovushli nutqni idrok etish va chiquvchi xabarni ogʻzaki nutq koʻrinishida shakllantirilishini koʻzda tutadi. Manba va chiquvchi xabarning vaqt nuqtayi nazaridan uzilganligi ketma-ket tarjimaning asosiy xususiyati hisoblanadi. Vaqtdagi uzilishning qancha davom etishi notiq nutqining qancha davom etganligi bilan belgilanadi. Gap shundaki, notiq nutqi qisqa yoki uzun boʻlishi mumkin, va ushbu omil ketma-ket tarjima (tarjimon ishi)ni jiddiy tarzda murakkablashtirishi mumkin. Chunki tarjimon oʻz xotirasida operativ xotira imkoniyatlaridan oshib ketishi mumkin boʻlgan maʼlumotlar hajmini muayyan vaqt ichida ushlab turishi lozim. Ushbu vazifani sifatli bajarish uchun tarjimon xotirasini vaqti-vaqti bilan boʻshab-toʻlib turishini taʼminlovchi maxsus yozuv (yozma qayd) tizimidan foydalaniladi.

5. Matnning muayyan birligi eshitib boʻlingandan soʻng notiq soʻzidagi tanaffusda amalga oshirilgan tarjima.

6. Matn eshitilgandan soʻng uning boshqa til vositalari bilan ogʻzaki qayta tiklash jarayoni. Shuni ham taʼkidlash kerakki, 1948-1951 yillarda BMT Kotibiyatida ketma-ket tarjima qiluvchi mutaxassislar va sinxronist-tarjimonlar oʻrtasida ixtiloflar yuzaga kelgan. Ket-