Последовательный перевод

1. Оғзаки таржиманинг ушбу турида нотиқ сўзи (нутқи)нинг муайян тугалланган қисми тинглаб бўлингач, бир тилдан бошқа тилга таржима қилинади. Бунда суҳбат иштирокчисининг сўзи, нотиқнинг нутқи, радио хабари тўлиқ баён қилинади; таржиманинг бу тури товушли нутқнинг тўлиқ идрок этилиши, чиқувчи хабарнинг оғзаки нутқ шаклида шакллантирилишини кўзда тутади., Кетма-кет таржима

2. Оғзаки нутқнинг тинглаб бўлингандан сўнг оғзаки таржима қилиниши. Кетма-кет таржиманинг қуйидаги турлари мавжуд: ёзиб олиб таржима қилиш; абзасли-фразали таржима; бир томонлама ва икки томонлама таржима. Кетма-кет таржима деганда, асосан таржима фаолиятининг профессионал тури сифатида нутқ (сўз)ни эшитиб оғзаки таржима қилиш тушунилади.

3. Манба матн (нутқ) тугагандан сўнг таржима матнининг овоз чиқариб ўқилиши.

4. Эшитиб қилинадиган оғзаки таржима. Кетма-кет таржима товушли нутқни идрок этиш ва чиқувчи хабарни оғзаки нутқ кўринишида шакллантирилишини кўзда тутади. Манба ва чиқувчи хабарнинг вақт нуқтайи назаридан узилганлиги кетма-кет таржиманинг асосий хусусияти ҳисобланади. Вақтдаги узилишнинг қанча давом этиши нотиқ нутқининг қанча давом этганлиги билан белгиланади. Гап шундаки, нотиқ нутқи қисқа ёки узун бўлиши мумкин, ва ушбу омил кетма-кет таржима (таржимон иши)ни жиддий тарзда мураккаблаштириши мумкин. Чунки таржимон ўз хотирасида оператив хотира имкониятларидан ошиб кетиши мумкин бўлган маълумотлар ҳажмини муайян вақт ичида ушлаб туриши лозим. Ушбу вазифани сифатли бажариш учун таржимон хотирасини вақти-вақти билан бўшаб-тўлиб туришини таъминловчи махсус ёзув (ёзма қайд) тизимидан фойдаланилади.

5. Матннинг муайян бирлиги эшитиб бўлингандан сўнг нотиқ сўзидаги танаффусда амалга оширилган таржима.

6. Матн эшитилгандан сўнг унинг бошқа тил воситалари билан оғзаки қайта тиклаш жараёни. Шуни ҳам таъкидлаш керакки, 1948-1951 йилларда БМТ Котибиятида кетма-кет таржима қилувчи мутахассислар ва синхронист-таржимонлар ўртасида ихтилофлар юзага келган. Кет-