popuk

попук

6 ta lugʻatda uchraydi JSON Shevalarda Barcha qidiruv natijalari

Izohli lugʻat

popuk

ot 1. Narsalarga bezak uchun taqiladigan bir bogʻlam tola, pat, ip va shu kabilar.

Doʻppi popugi.

Sharofat, paranjining popugini eshib, yerga qaraganicha oʻtirar, aftidan, bu savolga javob bermoqchi emas edi. — A. Qahhor, Qoʻshchinor chiroqlari

2. Gajim, shokila.

Bayroq popugi.

Zaynab gilamning popugini chirmab, nimaningdir xayolini surar. — A. Qodiriy, Oʻtgan kunlar

Karomat ona., dasturxon popugini oʻynashda davom etdi. — T. Alimov, Sovchi

3. Yosh qizlarga nisbatan erkalash maʼnosida ishlatiladi.

Oldinda sizlar, oy popuklarim. — Oybek, Oltin vodiydan shabadalar.

— Siz, popuk qizim, etagingizga pamildori, loviya terib chiqing, — dedi amma Munavvarga. — S. Anorboyev, Mehr

4. Shokilali qogʻozga oʻralgan konfet.

Bir kampir sepkildor bolaning chap yonidagi koʻylak kiygan qizchaga popuk uzatadi, keyin uni koʻtarib oladi. — R. Fayziy, Sen yetim emassan

5. Popuk (xotin-qizlar ismi).

Popugi pasaymoq Domlaning nutqlaridan keyin odamlarning popugi pasayib qoldi. — E. Raimov, Ajab qishloqRahimjon popugi pasayib, nafasi chiqmay qoldi. — H. Nazir, Yonar daryo
Popuk ildiz Oʻq ildiz qurigach, uning oʻrniga poyaning ostidan oʻsib chiqadigan koʻp sonli mayda ildizchalar (koʻrinishi popukka, shokilaga oʻxshaydi).

Oʻzbekcha-turkcha izohli lugʻat

POPUK

Narsalarga bezak uchun taqiladigan bir boylam tola.PÜSKÜL

Ruscha-oʻzbekcha va oʻzbekcha-ruscha lugʻat

popuk

1. кисточка

2. бахрома

oyogʻi popuk, ogʻzi koʻpik загадка с бахромой нога, в пене губа (Верблюд)