пўк

poʻk

4 та луғатда учрайди ЖСОН Шеваларда Барча қидирув натижалари

Изоҳли луғат

пўк И

сфт. 1. Ичи чириган ёки кавак.

Пўк дарахт. Пўк ёғоч. Бу толнинг ичи пўк.

Нусратбек ҳам шундай қилди. Бироқ редиска пўк экан. Туфлаб ташлашга уялди. — С. Нуров, Нарвон

2. Бирор касаллик туфайли дарахт танасидан ўсиб чиқадиган, ғовак тўқимадан иборат ўсимта; дарахт буқоғи.

Толнинг пўки.

Тут пўкидан сариқ бўёқ сифатида фойдаланилган.

Бу жангга душман ўз ихтиёридаги ҳамма нарсани ташлади; унинг орқа томони қуриган дарахтдек пўкдир. — Ҳ. Олимжон, Танланган асарлар

3. кўчма Семиз, лекин кучи кам; хом-семиз.

Даланинг кўкига, одамнинг пўкига ишонма. — Мақол

Меҳнат қилиб ўрганмаган Камол пўк эди, бир-икки силтаниб, қўлларини Нодирдан зўрға бўшатиб олди. — С. Юнусов, Кутилмаган хазина

4. кўчма Маъносиз, саёз, бўш (умри қисқа).

Замон пўк нарсани тез унутдирар, Яъни турғунликдан ҳаёт ўч олар, Эски лой қалъа ёʻқ, қиссаси турар, Ерга чўкиб кетган эски кўчалар. — М. Шайхзода, Тошкентнома

5. шв. Пўкак, тиқин.

Тарелка ёнида ётган пичоқни олиб, унинг учи билан шиша оғзидаги пўкни олмоқчи бўлди. — Ш. Ризо, Қор ёғди, излар босилди.

[Мингбоши] Шишанинг тагига ёʻғон шапалоғи билан икки марта урди, пўк сачраб чиқиб, шипга тегди, сўнгра у ердан сачраб, токчадаги катта жомга келиб тушди; жар-р-ранг этди жом. — Чўлпон, Кеча ва кундуз

Пўк бермоқ Қўрқиш ёки қатъияцизлик орқасида оғиздан гулламоқ, валдирамоқ, сир бой бермоқ. Нима бало бўлди, эринг икковимизнинг ишимизни сезиб қолганми дейманов, ёки пўк бериб қўйдингми? [деди йигит хотинга]. — Ғ. Ғулом, Шум бола
Пўк учмоқ Ёлғон гапга ишонмоқ, лаққа тушмоқ, лақилламоқ. — Омон ҳам менинг гапимга пўк учган бўлса керак, икки гапнинг бирида ҳаҳа, ҳаҳа, деб қўяр эди, — деди Шум бола. — Ғ. Ғулом, Шум бола

пўк ИИ

сфт. Ичи бўш ёки кавак нарсани урганда, қиздирилмаган чилдирмани чертганда, юракнинг қаттиқ уришида чиқадиган товуш ҳақида.

Пишган қовоқ чертилса, пўк этади.

Аҳён-аҳёнда шампанскийнинг пўк этган овози эшитилиб қолади. — Муштум

Дуторнинг тинғир-тинғири-ю чилдирманинг пўк-пўк товушини атроф ютиб юбораётгандай эди. — Ёшлик

Русча-ўзбекча ва ўзбекча-русча луғат

пўк

пустой, рыхлый, трухлявый