пеша

от эск. кт. Йил, машғулот; касб, ҳунар.

Хоннинг ўғли, деб қилманглар андиша, Тўққиз ёшда қилди шу ишни пеша. — Эрали ва Шерали

Бировнинг қўлида арра, тешаси, Васса ясаш — қадим иши-пешаси. — Н. Назруллаев, Сайланма

Эл дерки: нодон дўст — бошингга жафо, Қора кунда чин дўст — пешаси вафо! — Миртемир.

Дарахтни ҳамиша ўрайди шамол, Шоирни ташвишлар чулғар ҳамиша. Сен шоир умрини дема безавол — Унинг ҳар онлари ташвишга пеша. — А. Орипов, Йиллар армони