ПЕРЕВОДНИКИ ОБСАДНЫХ ТРУБ

Мустаҳкамлаш қувурлари ўтказгичлари — икки-уч ўлчамли Мқбни ёки ҳар хил турдаги резбалар ёрдамида Мқбни туташтириш учун қўлланилади. ОСТ—39—137—81 талабларига мувофиқ тайёрланади. М.қ.ў. муфта — ниппел турида, яъни бир учи ярим муфтали, резбаси ичида, иккинчи учи нипелли, резбаси ташқи қисмида бўлади. Ўтказгичлар 55 тур ва ўлчамда чиқарилади. Шулардан тўрт тури бир турдаги резбали, турли диаметрдаги мустаҳкамлаш қувурларини ўзаро туташтириш (28 тур ва ўлчамдаги), уч тури ҳар хил турдаги резбали, бир хил диаметрдаги мустаҳкамлаш қувурларини ўзаро бириктириш (27 тур ва ўлчамдаги)га хизмат қилади. Бундай тур ва ўлчамдаги ўтказгичлар ҳар хил турдаги резбали ва ҳар хил диаметрдаги мустаҳкамлаш қувурларини бириктириш имкониятига эга. Ўтказгичларнинг ташқи ва ички диаметрлари мос ҳолда муфталарнинг ташқи диаметрига ва бириктирилаётган қувурларнинг ички диаметрларига тўғри келади. Ўтказгичлар Д, Е ва Л мустаҳкамликдаги пўлатлар гуруҳидан тайёрланади. М.қ.ў. ПО ҳарфлари билан белгиланиб, мустаҳкамлаш қувурларининг шартли диаметри ва ўтказгичнинг муфтали учи резбаси турини, мустаҳкамлаш қувурларининг шартли диаметри ва ўтказгичнинг нипелли учи резбаси турини, пўлатнинг мустаҳкамлик гуруҳини, тармоқ стандарти шифрини билдиради. Шунингдек, қисқа учбурчакли резба К, узун учбурчакли резба У, трапециясимон резба Т, юқори зичликли резба Г ҳарфлари билан белгиланади.