ПЕРЕВОДНИКИ ОБСАДНЫХ ТРУБ

Mustahkamlash quvurlari oʻtkazgichlari — ikki-uch oʻlchamli MQBni yoki har xil turdagi rezbalar yordamida MQBni tutashtirish uchun qoʻllaniladi. OST—39—137—81 talablariga muvofiq tayyorlanadi. M.q.oʻ. mufta — nippel turida, yaʼni bir uchi yarim muftali, rezbasi ichida, ikkinchi uchi nipelli, rezbasi tashqi qismida boʻladi. Oʻtkazgichlar 55 tur va oʻlchamda chiqariladi. Shulardan toʻrt turi bir turdagi rezbali, turli diametrdagi mustahkamlash quvurlarini oʻzaro tutashtirish (28 tur va oʻlchamdagi), uch turi har xil turdagi rezbali, bir xil diametrdagi mustahkamlash quvurlarini oʻzaro biriktirish (27 tur va oʻlchamdagi)ga xizmat qiladi. Bunday tur va oʻlchamdagi oʻtkazgichlar har xil turdagi rezbali va har xil diametrdagi mustahkamlash quvurlarini biriktirish imkoniyatiga ega. Oʻtkazgichlarning tashqi va ichki diametrlari mos holda muftalarning tashqi diametriga va biriktirilayotgan quvurlarning ichki diametrlariga toʻgʻri keladi. Oʻtkazgichlar D, Ye va L mustahkamlikdagi poʻlatlar guruhidan tayyorlanadi. M.q.oʻ. PO harflari bilan belgilanib, mustahkamlash quvurlarining shartli diametri va oʻtkazgichning muftali uchi rezbasi turini, mustahkamlash quvurlarining shartli diametri va oʻtkazgichning nipelli uchi rezbasi turini, poʻlatning mustahkamlik guruhini, tarmoq standarti shifrini bildiradi. Shuningdek, qisqa uchburchakli rezba K, uzun uchburchakli rezba U, trapetsiyasimon rezba T, yuqori zichlikli rezba G harflari bilan belgilanadi.