Перевод терминов

Terminlar tarjimasi. Tildagi terminlar (maxsus (ilmiy, texnikaviy) tildagi soʻz va birikmalar) maxsus tushunchalarni aniq ifodalash uchun yaratiladi yoki boshqa tildan oʻzlashtiriladi. Bundan maqsad maʼlumotni siqiq va aniq, ixcham tarzda yetkazishdir. Termin, odatda boshqa tildagi muqobil termin vositasida tarjima qilinadi. Shu bois muqobil (analog), sinonimik almashtirish, tavsifiy tarjima singari usullar faqat tarjima tilida asliyat tilida muvofiq termin boʻlmagandagina qoʻllaniladi. Terminlar tarjimasi ilmiy tarjimaning asosiy muammolaridan biri. Terminlar tarjimasida quyidagi usullar qoʻllanadi: 1. Muayyan termin tarjimaga aynan koʻchadi: tipologiya, romantizm, realizm, astronomiya, kompyuter. 2. Tarjima tilidagi muqobili bilan almashtiriladi. 3. Soʻzma-soʻz tarjima qilinib olinadi: ekvivalent — teng qiymatlilik, integral — jamlovchi. Terminlar tarjimasidagi quyidagi usullarni esa oqlab boʻlmaydi: 1. Terminni tasviriy yoʻl bilan tarjima qilish: epigraf — sarnaqsh, prolog — sarahbor, kolorit — nashʼu namo, romantik — tantanavor-mahobatli. 2. Maʼnosidan kelib chiqib, terminni sharhli-izohli tarjima qilish: tipologiya — qiyosiy-qoliplovchi sharh, akademik uslub — jiddiy sipo uslub, intim — lisoniy-botiniy. 3. Zamonaviy terminlarni qadimiy shakli bilan almashtirish: matematika — riyoziyot, botanika — nabotot, astronomiya — ilmi hayʼat, astrologiya — ilmi nujum. 4. Yangi atamalar yasash: ekstra-