пасаймоқ

фл. 1. Баландлиги нисбатан камайиб қолмоқ, чўкмоқ, чўкиб қолмоқ.

Ер зичланиб, анча пасайди.

1989-йил Орол денгизининг сатҳи яна бир метрга пасайди. — Фан ва турмуш

Каналда сув пасайди, қишлоқ кўчалари, пахтазор пайкаллари селгиб қолди. — Ў. Ҳошимов, Қалбингга қулоқ сол

2. Камаймоқ, кучсизланмоқ, қайтмоқ (ҳодисаларнинг кучи, шиддати, даражаси, миқдори ва шу кабилар ҳақида).

Оғриғим пасайди. Қуёш ҳарорати ҳали пасайгани ёʻқ. Шамол анча пасайди. Боланинг иссиғи пасаймади. Радионинг овози пасайиб қолди.

Ёʻлдошевнинг йиғиси борган сари пасайиб, ниҳоят хўрсина-хўрсина жим бўлди. — Н. Сафаров, Жанговар саҳифалар

Унинг вужудини қамраб олган ўт аста-секин пасайиб, кўнгли тобора совий бошлади. — Ҳ. Ғулом, Машъал

3. Юқори амалдан пастроқ амалга тушиб қолмоқ.

Мартабаси пасайди.

4. кўчма Кибр-у ҳавоси ёʻқолиб, шахти қайтиб, эпақага келиб қолмоқ, ҳовуридан тушмоқ.

Бир оз пасайинг. У анча пасайиб қолди.