parrak

паррак

6 ta lugʻatda uchraydi JSON Shevalarda Barcha qidiruv natijalari

Izohli lugʻat

parrak

ot 1. Suv yoki shamol kuchi bilan aylanadigan kurakli sodda mexanizm.

Suv tegirmonining parragi. Shamol tegirmonining parragi. Tunuka parrak.

Ular konga teskari yoqdagi katta xarsang toshlar panasida shamol tegirmoni parraklari vazmin aylanib turgan qishloq tomonga tusha boshladilar. — H. Gʻulom, Zamin yulduzlari

2. s. t. Har xil mashinalarning shu shakldagi qismi.

Ventilyator parragi. Samolyot parragi.

Dalaning u boshida parragi charx urib, kombayn oʻrmalardi. — S. Anorboyev, Oqsoy

Birpas oʻtmay vertolyotning qudratli motori gurullab, ustidagi katta parraklari aylana boshladi. — N. Fozilov, Diydor

3. koʻchma Yupqa qilib toʻgʻralgan, kesilgan, boʻlaklarga boʻlingan biror narsa.

Bir boʻlak goʻsht oʻn parrakka boʻlindi.

Ota-murod nima uchundir dastlabki toʻrt parrakni jonliroq-jonliroq qilib kesdi. — M. Mansurov, Yombi

4. s.t. koʻchma Telefonning raqamlar terilganda aylanuvchi chambaragi.

Qushlarga quriladigan in shaklidagi yogʻoch uychani bir oʻzi toʻldirib oʻtirgan biqqi qorovul Alamazonni chetroqqa turgʻizib qoʻyib, telefon parragini gʻildiratishga tushdi. — A. Obidjon, Akang qaragʻay Gulmat.

Burun parragi Burun kataklarining ikki chetidagi muskul. Nafas olishda qiynalayotgan boʻlsa kerak, burun parraklari uchib turardi. — Shuhrat, Shinelli yillar

Oʻzbekcha-turkcha izohli lugʻat

PARRAK

1. Suv yoki shamol kuchi bilan aylanadigan kurakli sodda mexanizm.PERVANE, ÇARK

2. Zamonaviy mashinalarning shu shakldagi qismi.

Ruscha-oʻzbekcha va oʻzbekcha-ruscha lugʻat

parrak

1. лопасть мельничного колеса

2. пропеллер

Inglizcha-oʻzbekcha, oʻzbekcha-inglizcha lugʻat

parrak

n propeller, airscrew, propulsive screw

Oʻzbekcha-qoraqalpoqcha lugʻat