парилламоқ

фл. 1. Тез қанот қоқиб, парр этган товуш чиқармоқ (парранда ҳақида).

Тоғ жилғаларининг яқинида, катта тошлар панасида [Элмурод] писиб ётиб, каклик пойлар ва жилғадан жилғага париллаб учган какликларга ўқ узар эди. — П. Турсун, Ўқитувчи

2. Тез югуриб кетмоқ, елдек учмоқ, ғирилламоқ.

Сувсиз чўлда Ғиркўк от бораётир париллаб. — Равшан

3. Қаттиқ овоз чиқармоқ.

Париллаган товушдан англадим, отим чопиб келаётганга ўхшайди. — Фолклор

Пиллапоя олдидаги табуреткада оппоқ самовар париллаб қайнаб турибди. — С. Аҳмад, Оқ сут ва оппоқ нур