пар

от 1. Парранда танасини қоплаб турадиган юмшоқ ва нафис пат.

Товуқнинг пари,

Яйраб ҳаволарда бир қуш учади Чарчаркан, симларни секин қучади, Юмшоқ парлар билан ёпиб юзини. — Ҳ. Олимжон

2. сфт. Ичида пари бўлган, пар солинган.

Пар ёстиқ. Пар тўшак.

Кенг тахта каравот. Устига чойшаб ёпилиб, катта пар ёстиқ қўйилган. Деразага оқ шоҳи парда тутилган. — С. Нуров, Нарвон

Чўтир хола уни гапга тутмай, пар ёстиқ билан янги атлас кўрпани тахмондан олиб, Умид устига ташлади. — Мирмуҳсин, Умид

3. кўчма айн. Паға 2.

Ёш бургут учмоқда кўкда шиддаткор, Кумуш булутларнинг тўзғитиб парин. — А. Орипов, Йиллар армони

Пар булутлар, марварид қорлар Юксак чўққи узра қўйган бош. — А. Орипов, Йиллар армони

от 1. айн. Жуфт 3.

Бир пар этик.

Кечқурун пар отли извош кўчанинг бошида тўхтаб, ундан терговчи тушди. — А. Қаҳҳор, Сароб

Уйда оёқ кийими бир неча пар: чувак, маҳси, сандал, калиш, туфлилар. — Ғ. Ғулом

2. Бирга ишлатиладиган иккита бир хил нарсанинг бири, биттаси.

Пари ёʻқ пайпоқ.

3. Ўз хислатлари билан бир-бирига мос, тенг икки кишининг бири.

Бу йигит сенга пар эмас.

Қизим бор эди якка, исми Қамар, Оз эрди ҳусн бобида унга пар. — С. Абдулла, Тоҳир ва Зуҳра

Таъриф-у тавсифингиз қилсам агар, афандим, Баджаҳллик бобида ёʻқ сизга пар, афандим. — Гулдаста

от 1. с.т. қ. Буғ.

Суюқликнинг парга айланиши. Хонани пар билан иситмоқ.

2. Қаттиқ моддаларнинг буғга айланган ҳолати.

Камфара пари. Симоб пари.