panno

ot 1. arxit. Devor va shiftning atrofi hoshiya bilan oʻralgan va boʻrtma surat yoki naqshlar bilan bezatilgan qismi.

Oʻzbekiston mehmonxonasi binosi festival emblemasi aks ettirilgan jozibali panno bilan bezatilgan. — Gazetadan

2. Maxsus joylarga moʻljallab ishlangan rangtasvir asari yoki boʻrtma tasvir.

Xiyobonga Vatan botirlarining qahramonliklari yozilgan lavhalar, pannolar, suratlar qoʻyiladi. — Nazarmat, Joʻrlar baland sayraydi

Qadim qalʼa devoriga yopishtirib ishlangan pannoda Xorazmning uzoq oʻtmishi va buguni rang-barang koshinlar jilosida oʻz aksini topgan. — Gazetadan