ozodlik

озодлик

1 ta lugʻatda: Izohli yana 7 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

ozodlik

ot 1. Erkinlik, hurlik; hech qanday majburiyat bilan bogʻlanmaganlik.

Milliy ozodlik.

Baxt ozodlik va farovonlikdir. — Gazetadan

Chunki ozodlikni hamma ham chapak chalib, xursandchilik bilan kutib olmasligi tabiiy. — Gazetadan

Ahmad Husaynning butun dili, fikri, eʼtiqodicha, haqiqat ozodlik demakdir. — Oybek, Nur qidirib

2. tar. Eski maktabda har payshanba kuni domlaga yoki otinbibiga oʻquvchilar tomonidan keltiriladigan haq; payshanbalik (pul, non, don kabi).

— Domlagayam ozodlik opkeldingmi? — dedi bola dam dasturxonga, dam tugunga tikilib. — P. Tursun, Oʻqituvchi

— Buvingga borib ayt! Agar ozodlik keltirmasang, yangi saboqqa tushmaysan! — dedi domla. — N. Safarov, Sulton boʻzchining nevaralari

Ozodlikdan mahrum qilish Jinoyat sodir etgan shaxsni maxsus ajratilgan tarbiyaviy muassasalarda majburiy saqlashdan iborat jazo turi.
Ozodlikka chiqarmoq Asoratdan, qullikdan chiqarmoq, erkinlikka erishtirmoq, erk bermoq.
Ozodlikka chiqmoq Asoratdan, qullikdan chiqmoq qutulmoq; erkinlikka erishmoq; qamoqdan chiqmoq, ozod boʻlmoq. Bahrombekning koʻz oldi qorongʻilashib ketdi. Olti yarim yil! Ozodlikka chiqsam ham, shuncha yil umr koʻrarmikanman? Bu yerda qolsam, qayerlarda xor-zor boʻladi jasadim. — Yoshlik