ўзлашмоқ

фл. 1. Ўз кишиси бўлиб қолмоқ, ўзиникидек яқин, иноқ бўлмоқ.

Ўзбек ойимнинг дали-ғулилигидан Офтоб ойим ва Кумуш унга жуда ўзлашиб олганлар. — А. Қодирий, Ўтган кунлар

2. Онгига етиб бормоқ, тушунарли бўлмоқ; сингмоқ.

Маъруза тингловчиларга яхши ўзлашдими?

3. қ. х. Ишлатиш, фойдаланишга туширилмоқ.

Абдусамад насос стансияси қурилиши билан Сирдарё ёқасида неча минг гектар ерлар ўзлашиб кетди. — Ўзбекистон қўриқлари

4. тлш. Ўзга тилдан қабул қилинмоқ.

Ҳозирги кунда ўзбек адабий тилида ўзлашган сўзлар жуда кўп миқдордадир.