oʻynashmoq

fl. 1. Oʻynamoq feʼlining birgalik nisbati.

Ketishdilar quvlashib, Oʻynashib kula-kula. — T. Toʻla

Bolalar har kungidaqa oshiq oʻynashmadi kitobchalarni tomosha qila boshlashdi. — M. Ismoiliy, Fargʻona tong otguncha

2. Jiddiy emas, hazil-huzul munosabatda boʻlmoq, mensimay muomalada boʻlmoq.

Oʻynashmagin arbob bilan, arbob urar har bob bilan. — Maqol

Bu — bir kishining chorak umri degan gap. Ha, qonun bilan oʻynashib boʻladimi! — S. Anorboyev, Oqsoy

3. Oʻz nikohida boʻlmagan shaxs bilan yaqin aloqada boʻlmoq.

Xumorxonni olmasdan, shunday oʻynashib yuraversangiz boʻlmasmidi? — A. Qahhor, Ogʻriq tishlar

Oʻsha Xolmat jikkakka ham oʻynashib tekkan. — E. Raimov, Ajab qishloq