ойдин

oydin

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ойдин

сфт. 1. Ой чиқиб, ҳамма ёқ ой нури билан ёриган, ёруғ.

Ойдин кеча,

Кеча ойдин, қабристон тип-тинч. — А. Қодирий, Ўтган кунлар

2. Ой нури, ёғдуси.

[Отабек] Ичидан тақинган ханжарини қинидан суғуриб олди-да, дамини ойдинга солиб боқди. — А. Қодирий, Ўтган кунлар

Олисдаги уйларнинг тошари ойдинда йилтирайди. — Ойбек, Олтин водийдан шабадалар.

3. кўчма Аниқ, кўриниб, билиниб турган, равшан.

Бу масала ҳамма учун ойдин.

[Нор:] Ҳаммага қоронғи бўлса ҳам, менга ойдин. — Ҳамза, Паранжи сирлари

Булар бари, оға, офтобдай ойдин гаплар, лекин шуларни Яхшибоевнинг ҳам ўйлаган-ўйламаганлиги мени бир оз таажжубга солади. — М. М. Дўст, Лолазор.

4. Ойдин (хотин-қизлар исми).

Кўр (ёки хира) ойдин Булутлар орасидан ўтиб тушаётган ой ёғдуси ва шундай ёғду билан ёришган кеча. Хира ойдинда қоп-қора ҳайкалдай бўлиб бир отлиқ кўринди. — А. Қаҳҳор, Қўшчинор чироқлари
Сутдек ойдин Беғубор, ёп-ёруғ ой ёғдуси ва шундай ёғду билан ёришган кеча. Менглибой чакмонини елкасига ташлаб, қўйлардан хабар олгани ташқарига чиққанда, сутдек ойдин эди. — С. Аҳмад, Юлдуз
Ойдинда оёғим қилади Менга ҳеч қийинчилиги ёʻқ, кўзимни юмиб ҳам қила оламан.