охур

oxur

4 та луғатда учрайди ЖСОН Шеваларда Барча қидирув натижалари

Изоҳли луғат

охур

от Чорва молларига (қўй, эчки, сигир, от) ем-хашак солиб бериладиган мослама (идиш).

От охури. Мол охури.

Тоштемир қудуқдан бир неча марта сув чиқариб, отларни суғорди, охурларга беда солди. — Ҳ. Ғулом, Феруза

Ғуломжон отхонага кириб, тўкилган бедаларни охурга териб солди, қоронғида ҳам кўзлари чақнаб турган саманни пешонасидан силаб, суйиб қўйди. — М. Исмоилий, Фарғона тонг отгунча

Баланд (ёки катта) охурдан ем еган (ёки сув ичган) Катталар, боёнлар билан яқин алоқада бўлиб кеккайган ёки ўзи катта боён бўлиб ўтган. [Ўрмонжон:] Сен катта охурдан ем еб ўргангансан, чидолмайсан. — А. Қаҳҳор, Қўшчинор чироқлариСаид ака, Яхшибоевга суйкалманг, сизга панд беради, катта охурдан ем еб ўрганган одам, ажабмаски, қулай келган онда сизни оёғига патак қилиб кеца. — М. М. Дўст, ЛолазорУ чет элларда дипломатлар билан гаплашган, катта охурдан сув ичган. — С. Аҳмад, Жимжитлик