овқат

ovqat

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

овқат И

от 1. Ризқланиш, ейиш-ичиш учун тайёр нарса; емиш, таом, емак.

Тамли овқат. Иссиқ овқат. Енгил овқат. Парҳез овқат. Хушхўр овқат. Кечки овқат. Тушки овқат. Болага овқат едирмоқ.

Мулла Норқўзи овқатини еб, чойга умидвор бўлиб ўтирганида, кўча эшигидан ёшгина бир хотин кириб келди. — А. Қаҳҳор, Майиз емаган хотин

Аҳмад бригадир овқатга нон тўғраб, иштаҳа билан овқатланди. — С. Нуров, Майсаларни аёз урмайди

2. Овқатланиш.

Сидиқжон овқатдан кейин қўлига газета олган эди, бир мақолани яримлатмасдан кўзи сузилди. — А. Қаҳҳор, Қўшчинор чироқлари

3. Уй ҳайвонларининг ем-хашаги; озиқ; озуқа.

Молларга овқат солмоқ.

4. Ейиш, ичиш, тирикчилик учун даркор нарсалар; озиқ.

Фуод афанди бизга меҳрибончилик қилиб, овқатимизга қарашиб турди. — М. Исмоилий, Фарғона тонг отгунча

Овқат қилмоқ Таом тайёрламоқ, пиширмоқ. Тезроқ уйга бориб, чолнинг оғзига ёқадиган овқат қилиб беришга шошиларди. — С.Аҳмад, ЮлдузБиз уларни ёнимизга, бирга овқат қилишга чақирдик. — А. Раҳмат, Соқов бола
Овқат устида Овқат ейилаётган вақтда, дастурхон устида. Овқат устида ҳеч ким ортиқча сўзламади. — Ойбек, Танланган асарлар

овқат ИИ

от Вақт(лар), даврлар, мавсумлар; тирикчилик, кун ўтказиш.