Отставание при синхронном переводе

Sinxron tarjimada ortda qolish yoki fazali siljish keng vaqt diapazonida qayd etiladi: taxminan 1 soniyadan 10 soniyagacha, ayrim mualliflar asliyat soʻzi miqdorida orqada qolishning qanchalik boʻlishini hisoblashgan. D.Herverga koʻra, notiqning nutq tempi (tezligi) 1 daqiqada 95 soʻzdan dan 164 soʻzgacha koʻtarilishi bilan, ortda qolish bunga mos ravishda 5 soʻzdan 8,5 soʻzgacha oʻsib boradi. “Ortda qolish”ning oʻrtacha kattaligi sifatida mualliflar 2 soniyadan 3 soniyagacha boʻlgan raqamni keltirib oʻtadilar. Tadqiqotlarning koʻpchiligi inglizcha-fransuzcha va frankcha-inglizcha tarjima kombinatsiyalari boʻyicha amalga oshirilgan. “Ortda qolish”ning hajmi bilan bogʻliq holda STda tarjima “birligi” yoki qayta kodlashtirish “birligi”, shuningdek, “ortda qolish” hajmiga taʼsir etuvchi omillar masalasi yuzaga keldi (Varik). Bunday omillar jumlasiga kelib tushayotgan materialning murakkabligi, notiqning yuksalib boruvchi nutq tempi (surati) (Gerver), shuningdek, tarjimonga tarjimani amalga oshirish uchun zarur boʻlgan ATdagi gap ichidagi ayrim kalit soʻzlar egallaydigan pozitsiya kiradi. Notiq nutki surʼati (temp)ning ST jarayoniga taʼsiri ilmiy tadqiq qilingan (Seleskovitch, 1965; Gerver, 1969). Bunda tadqiqotchilar sinxronist uchun 1 daqiqada 100-120 ta soʻzdan iborat nutq surʼati (ingliz va fransuz tillari uchun) optimal hisobladi, degan xulosaga kelganlar. Agar 1 daqiqada 150-200 dona soʻz talaffuz qilinadigan boʻlsa, tarjima sifati yomonlashadi: xato va soʻz tushishi yuz beradi. ST jarayoniga shovqin ham salbiy taʼsir koʻrsatadi (Gerver). Muallif ST amaliyotida eshitish sharoi-, Sinxron tarjimada ortda qolish