oʻtkinchi

ot 1. Oʻtib borayotgan, oʻtib boruvchi; yoʻlovchi.

Yoʻlda bitta-yarimta oʻtkinchi uchrab turadi. — Oybek, Bolalik

Nizomjon tong yorishi bilan Oltiariq yoʻliga chiqdi-yu, oʻtkinchi mashinaga qoʻl koʻtardi. — S. Ahmad, Ufq

2. Tezda oʻtib ketadigan, oz fursat ichida yoʻq boʻladigan, vaqtinchalik.

Oʻtkinchi havas.

Hozirgina tingan oʻtkinchi yomgʻir kunduzi tinimsiz harakatdan koʻtarilgan changni bosgan. — A. Qahhor, Sarob

Kishining tashidagi gʻazab oʻtkinchi boʻladi, yuragidagi nafrat esa dahshatli va mudhish boʻladi. — F. Musajonov, Himmat