отилмоқ

фл. 1. Отмоқ 1, 3, 5-6, 9-12 феълларининг мажҳул нисбати.

Яқинда учта бўри отилди. Айтилган сўз — отилган ўқ. — Мақол

Оғзи катта қора тўплар Отилди майдон ичинда, Мард йигитнинг ширин жони Сотилди майдон ичинда. — Равшан

2. Отмоқ 3 феълининг ўзлик нисбати.

Шу вақт команда берилди: Сафлан! Нормат Адолатнинг ширмой юзидан ўпди ва она бағрига отилди. — И. Раҳим, Чин муҳаббат

Қамариддин отилиб келиб, унинг бўйнига пичоқ санчди. — Ёшлик

3. Ўзини бирор томонга урмоқ.

Ёʻлчи кескин ҳаракат билан қайрилиб, ташқарига отилди. — Ойбек, Танланган асарлар

4. Шиддат билан юқорига кўтарилмоқ.

Қайнаб чиқар нефт булоқлари. Фонтан бўлиб отилар тикка. Ў. — Мирзо

Шариллаб отилиб чиқаётган артезиан сувига бошини тутиб турди. — С. Аҳмад, Уфқ

5. кўчма Ўз ихтиёри билан талабгор бўлиб чиқмоқ, сафарбар бўлмоқ.

У биринчи отилиб чиқиб, паранжи ташлаган хотин.

Халққа эрк учун, нон учун, маданият учун курашга отилмоқ керак. — Ойбек, Нур қидириб