oʻrtoq

ўртоқ

7 ta lugʻatda uchraydi JSON Shevalarda Barcha qidiruv natijalari

Izohli lugʻat

oʻrtoq

ot 1. Yoshi teng yoki yaqin boʻlib, oʻzaro yaxshi aloqada boʻlgan tengdoshlar (bir-biriga nisbatan); birga oʻsgan; tengdosh, doʻst, oshna.

Ukamning oʻrtogʻi. Qalin oʻrtoq.

Xayr, onajon! Mening uchun buvimni quchoqlab qoʻying, oʻrtoqlarimga salom ayting! — A. Qodiriy, Oʻtgan kunlar

Hatto tumsayib oʻtirgan Asrora ham beixtiyor chapak chalar, oʻrtogʻining husn-u latofatiga mahliyo edi. — S. Ahmad, Ufq

Shu xotinning oʻrtogʻi bor edi. Yaxshi jonon — Oybek, Tanlangan asarlar

Bugun stipendiya olishgani uchun ikki oʻrtoq qoʻlbola osh qilishmoqchi edi. — Oʻ. Hoshimov, Qalbingga quloq sol

2. Dunyoqarashi, faoliyati, yashash sharoiti va shu kabilar jihatidan bir, gʻoyaviy jihatdan yaqin kishi; hamfikr, hamgʻoya.

Qudrat hokimning qon toʻlib ketgan koʻzlaridan yashirinmadi, aksincha, oʻrtoqlari bilan guzarda yarim kechagacha jilmay oʻtirdi. — M. Ismoiliy, Fargʻona tong otguncha

Eski oʻrtoqlaringdan ayrilgansan, yangi oʻrtoq orttirolmading. — A. Qahhor, Qoʻshchinor chiroqlari

3. rasm. Kishilarga murojaatda, odatda ularning familiyasi, kasbi, unvoni va shu kabilar bildiruvchi soʻzga qoʻshib ishlatiladi.

Oʻrtoq direktor. Oʻrtoq mayor.

Qani, oʻrtoq bemor, oyoqlaringizni uzating-chi. — S. Karomatov, Oltin qum

Roʻzimat sahnadan chiqib ketdi-yu, hayal oʻtmay zalda paydo boʻldi va Kanizakning oldiga kelib, qulogʻiga sekin: — Oʻrtoq Ahmedov yoʻqlayotibdilar, — dedi. — A. Qahhor, Qoʻshchinor chiroqlari.

4. s. t. ayn. Turmush oʻrtogʻi; er yoki xotin, rafiq yoki rafiqa.

Halimaxon, oʻrtogʻingiz qayerda ishlaydilar? Erkaklar ham roʻzgʻor ishini yaxshi bilishi, oʻrtogʻiga yaqindan yordam berishi kerak. — Gazetadan

5. Biror ish-faoliyatda birga boʻluvchi, biror narsani baham koʻruvchi; sherik.

Oshga oʻrtoq — boshga toʻqmoq. — Matal

Dam boʻlaman oltin quyosh Husniga oʻrtoq. Dam teraman etak-etak Gullar: pushti, oq. — Gʻayratiy

Turmush oʻrtogʻi Hoshimjon, birinchidan, jonajon dugonamning turmush oʻrtogʻi, ikkinchidan, oʻz akamday koʻraman uni. — J. Abdullaxonov, Toʻfon
Oʻrtoq boʻlmoq ayn. oʻrtoqlashmoq Gʻirromlikni bilmaydigan halol bola koʻrinadi. Oʻrtoq boʻlsang arziydi. — H. Nazir, Yonar daryo

Oʻzbekcha-turkcha izohli lugʻat

OʻRTOQ

Bir vaqtda tugʻilib birga oʻsgan ; tengdosh, doʻst.ARKADAŞ, YOLDAŞ

Ruscha-oʻzbekcha va oʻzbekcha-ruscha lugʻat

oʻrtoq

товарищ, друг, приятель

katta-kichik besh oʻrtoq, uyushsa boʻlar toʻqmoq загадка мал и велик — пятеро друзей, коль объединятся — дубины сильней (Пальцы)

qalin oʻrtoq закадычный друг
turmush oʻrtogʻi друг жизни (о муже или жене)
oshga oʻrtoq — boshga toʻqmoq погов. неодобр. (букв. друг-прихлебатель — что кол голове) любитель пожить на чужой счет