oracle

orakul (1. antik davrda: goʻyo xudoning irodasini biladigan ibodatchi; 2. koʻch. karomat qiluvchi (bashorat qiluvchi) odam 3. esk. folnoma, fol kitobi)

Maʼlumotlar bazalari uchun dasturiy taʼminot ishlab chiqaruvchi eng katta kompaniya. Oracle 1977 yilda AQSHda yaratilgan boʻlib, bosh qarorgohi Redvud (Kaliforniya)da joylashgan. Kompaniya tarixan oʻzining maʼlumotlar bazalarini boshqarish tizimlarining faoliyati uchun ishchi stansiyalari asosida server platformalarini yaratishga qaratilgan. Oracle kompaniyasining relyatsion maʼlumotlar bazasi keyinchalik soha standartiga aylangan SQL tilini qoʻllovchi birinchi maʼlumotlar bazasi boʻlgan. Kompaniya baza kompyuterlari, ishchi stansiyalari va shaxsiy kompyuterlar, ularni tarmoqqa qoʻshish, axborot resurslarini yaratish va taqdim etish uchun dasturiy taʼminotni ishlab chiqaradi.