operatsion tizim (OT)

Dasturlarning bajarilishini boshqaradigan va tizimning resurslarini taqsimlash, rejalashtirish, kirish-chiqishni va maʼlumotlarni boshqarish kabi vazifalarni taʼminlaydigan dasturiy vosita. Garchand operatsion tizimlar koʻproq dasturiy boʻlsalar ham, biroq, qisman apparat vositalari qoʻllanishi ham mumkin. Operatsion tizimlarning asosiy vazifalariga:- fayl tizimini boshqarish (yozish, oʻzgartish, fayllardan nusxa koʻchirish, foydalanishni nazorat qilish); dasturlar bajarilishini boshqarish (protsessor vaqtini taqsimlash, dasturlarni diskdan tezkor xotiraga yuklash, yashirin xavfli taʼsirni tutib olish va h.q.); xotirani boshqarish (keshlash, taqsimlash, maʼlumotlar butligi nazorati va h.q.); foydalanuvchi bilan muloqot (klaviaturadan, sichqonchadan buyruqlarni oʻqish, axborotni ekranga, printerga chiqarish va h.q.) kiradi. Bundan tashqari, operatsion tizimlar kompyuterlarni turli rusumdagi tarmoqlardan – lokal tarmoqlardan global korporativ tarmoqlargacha, shu jumladan, Internet tarmogʻidan foydalanishni boshqaradi. Operatsion tizimga misollar – MS-DOS, Linux, UNIX, Windows, Solaris, Doppix va boshqalar.inglizchaoperating system (OS)ruschaоперационная система (ОС)