olov

олов

7 ta lugʻatda uchraydi JSON Shevalarda Barcha qidiruv natijalari

Izohli lugʻat

olov

ot 1. Yuqori haroratda yonib, nurlanib turgan gaz, alanga, oʻt.

Olov yoqmoq. Olovni oʻchirmoq. Qumgʻonni olovga qoʻymoq. Olovning tishi yoʻq, hoʻl-quruq bilan ishi yoʻq. — Maqol

2. Choʻgʻ.

Tanchaning olovini oching, taqsir, badanimda qaltiroq turdi. — H. Gʻulom, Mashʼal

[Yoʻlchi] Bir qoʻlini qizning peshonasiga qoʻydi: — Naq olovday — dedi. — Oybek, Tanlangan asarlar

3. Issiqlik, harorat.

Quyosh olovi.

Quyosh osmondan olov quyyapti. — S. Ahmad, Taʼzim

Huvullagan tunday yolgʻizlik qursin, Yolgʻiz chaqmoqtoshdan chiqmaydi olov. — Ch. Ergash, Orzuning ogʻir kipriklari

Yoʻlchi quyoshning olov selida choʻmilib, toʻnka kovlar edi. — Oybek, Tanlangan asarlar

4. koʻchma Gʻayrati ichiga sigʻmaydigan, yuragida oʻti bor, joʻshqin.

Olov yigit.

Sinfning eng shoʻx, olov oʻquvchisi Sanjar boʻlsa, ogʻzini katta ochgancha, Oysha xolaga tikilib qoldi. — S. Zunnunova, Koʻk chiroqlar

Oʻziyam desangiz, otinoyisi, olov. Na bir qoʻrqishni biladi, na bir narsadan man tortishni. — Sh. Toshmatov, Erk qushi

5. Joʻshqin tuygʻu, hissiyot.

Shuncha tutqun boʻlishiga qaramasdan, bu qizning qalbiga muhabbat olovi allaqachon tushgan edi. — S. Zunnunova, Olov

Isfandiyorning injiq va xudbin koʻnglida oʻch olovi yonardi. — S. Siyoyev, Avaz

Ikki olov orasida (yoki oʻrtasida) Qolmoq Juda mushkul ahvolda, nima qilarini bilmay qolmoq. Shoʻrlik asirlar ikki olov orasida qolgan edilar: chiqmay desalar, moʻgʻullar orqalaridan sanchar, chiqay desalar, mudofaachilarning oʻq va nayzasiga sanchilar edilar. — M. Osim, Oʻtror
Kesakdan olov chiqqanday Gʻayrati yoʻq, loqayd odam kutilmagan bir ish qilganda aytiladigan ibora.
Olov koʻzlar Charaqlab, yonib turgan koʻzlar. Yosh Hojiya olov koʻzlarini charaqlatib, Onaxonga tikilgan edi. — A. Muxtor, Opa-singillar
Olov nafasli Soʻzi oʻtkir. U aytgan tollar qulapti, bosh tiqmoqchi boʻlgan maktab-maorif sohasiga tamoman yangi odamlar, olov nafasli yoshlar kelipti. — A. Qahhor, Qoʻshchinor chiroqlari
Urush olovini yoqmoq Urush chiqarish uchun xalqlarni bir-biriga gijgijlamoq, urush chiqarmoq, urushni boshlab bermoq.

Oʻzbekcha-turkcha izohli lugʻat

OLOV

Yuqori haroratda yonib, nurlanib turgan gaz, oʻt.ALEV, ATEŞ

Ruscha-oʻzbekcha va oʻzbekcha-ruscha lugʻat

olov

огонь, огненный

olov yoqmoq развести огонь
olovrang огненный цвет
olov yigit горячий парень
olov koʻzlar огненные глаза
olovidan kirib, kulidan chiqmoq (букв. войти в пламя и выйти из золы) подлизываться, подхалимничать