олди-берди

от 1. Бир-бировидан нарса олиб, нарса бериб туриш, бир-бировининг ҳожатини чиқариб туриш ва шу асосдаги муомала, алоқа.

Мулла Обид каби ўз олдига деҳқончилик қилмоқчи бўлган келгиндилар билан уларнинг кўпда олди-бердиси бўлмайди. — А. Қодирий, Обид кетмон

2. айн. Олиқ-солиқ 2.

— Тўйчиқнинг олди-бердиси бир гап бўлар, — деди Эшон Сурхон-бойга. — И. Раҳим, Тақдир

3. Савдо-сотиқ, савдо муомаласи.

У [Тешабой] савдо-сотиқ, олди-берди масалаларида, яъни бирни ўн қилиш бобида икки онани эмган қув бузоқлардан. — М. Исмоилий, Фарғона тонг отгунча