ОКРАИНЫ ТРАНСФОРМНЫЕ

kam tarqalgan va sof holda uchramaydigan kontinental chekkalar. Ikki kichik turga boʻlish mumkin: transform divergent chekkalar va transform konvergent chekkalar. Zamonaviy transform divergent chekkalar Afrikaning Atlantika chekkasidagi Gvineya koʻrfazining shimoliy qirgʻoqlarida uchraydi. Bu joyda T.ch.ning oʻziga xos xususiyatlari namoyonlangan: tor shelf, tor va juda tik kontinental yonbagʻirning mavjudligi, uning asosi bilan qitʼa va okean poʻsti oraligʻidagi keskin tektonik chegaraning mos kelishi, ular oraligʻida oʻtish poʻsti (zonasi)ning boʻlmasligi, kontinental etakning kuchsiz rivojlanganligi va h.k. Qitʼa — okean chegarasidagi yoriq boʻylab vertikal tashlama uzilmalar, gorizontal siljimali siljishlar kuzatiladi. Transform konvergent chekkalar Shimoliy Amerikaning Tinch okean chekkasi — shimolda Kanada qarshisida va janubi-sharqiy Alyaskada uchraydi. Bunday koʻrinishdagi chekkalar Koroleva Sharlotta arxipelagi boʻylab yuzaga kelgan siljimadan barpo boʻlgan. Bu turdagi chekkalar kulchasimon joylashgan va pliotsen-toʻrtlamchi yotqiziqlardan tuzilgan choʻkindi havzalarining kengayishidan hosil boʻladi., Transform chekkalar