obyektiv

ot fiz. Optik asbob, fotoapparat, kinoapparat va shu kabilarning bir necha linza yoki koʻzgulardan iborat, obyektning teskari tasvirini hosil qiladigan old qismi.

Fotoapparat obyektivi. Mikroskop obyektivi. Teleskop obyektivi.

Bu kameraning Tis Volna-3 obyektivi koʻp qatlamli yoritish xossasiga ega. — Gazetadan

Faqat obyektivning oldida oʻzingizni tabiiy tutolsangiz boʻlgani. — T. Ashurov, Oq ot

ot 1. fls. Ongdan tashqarida boʻlgan va ongga bevosita bogʻliq boʻlmagan.

Tabiatning obyektiv qonuniyati. Obyektiv borliq (reallik).

2. Yanglish yoki subyektiv fikrdan xoli boʻlgan; xolis, xolisona, betarafona.

Obyektiv baho, Obyektiv xulosa. Masalaga obyektiv yondashmoq.

Bizga shikoyat yoʻllashgan ekan, bu faktga obyektiv qarashimiz kerak! — Yoshlik