ОБЪЕКТ РАЗРАБОТКИ

yagona quduqlar sistemasi bilan burgʻilash va ishlatish uchun geologik-texnik sharoitlar va iqtisodiy mulohazalar asosida ajratilgan konning bir yoki bir necha mahsuldor qatlamlari. Agar I.o.ga kon maydonidagi hamma mahsuldor qatlamlar qoʻshilsa, I.o. va kon tushunchasi teng boʻlib qoladi. Koʻp mahsuldor qatlamlarni I.o.ga qoʻshish metalni, quvurlarni va boshqa moddiy tejashlarga olib keladi. Ammo, qatlamlar sonining ortishi bilan har bir qatlamdan neft olish jarayoni texnologik nuqtayi nazardan murakkablashadi va ayrim hollarda neft bera olishlikni keskin kamayishiga olib keladi. Mahsuldor qatlamlarni I.o.ga kiritishda (ajratishda) quyidagilarni inobatga olish kerak: kollektor-togʻ jinslarining geologik-fizik xususiyatlari (planda neftlilik maydonlarining mos tushushi, mahsuldorligi, qatlam bosimi va b.); neftning, suvni va gazni fizik- kimyoviy xususiyatlari (neftni komponent tarkibi, neftning qovushqoqligi va b.); uglevodorodlarni fazoviy holati va qatlamlarning rejimi; quduqlarning ishlatish texnikasi va texnologiyasi., Ishlash obyekti