О.п.

мантиядаги моддаларнинг юқорига кўтарилишдан кристалланиб ҳосил бўлган гарсбургитлар ва дунитлар; қаттиқ ҳолатдаги жинсларда пластик ва мўрт деформациялар белгилари мавжуд, сейсмик тўлқинлар тезлиги 8,1—8,2 км/с, қалинлиги 10—12 км. О.п. кесими астеносфера моддалари таркибига кирувчи плагиоклазли, оливин-пироксенли, шпинелли, гранитли лерсолитлар билан тўшалган. Океан тоғ тизмаларининг ўқ зонасида ҳаракатланаётган гидротермал эритмалар таъсирида спилитланиш, сеолитланиш, амфиболитланиш, серпентинланиш, яшил сланеслар ҳосил бўлиш, пумпеллитланиш жараёнлари ривожланади. Натижада, О.п. жинслари гидратланади, кремнийлашади, ишқорланади ва литофил элементлар билан бойийди. Сув ости гидротермал гейзерларининг отилишидан таркибида металлар бўлган чўкиндилар ҳосил бўлади, улар O.p.ning 1- ва 2а-қатлари таркибида учрайди. О.п. учун чизиқли турдаги магнит аномалияси хосдир. Аномалия мусбат ва манфий белгили кучланишларнинг алмашинишидан ҳосил бўлиб, бир хил ёʻналишдаги тор ёʻл-ёʻл зоналарни юзага келтиради. Ёʻл-ёʻл магнит аномалияси океан ўрталиқ тоғ тизмаларининг ўқ қисмига нисбатан параллел ва симметрик жойлашади. Бундай кўриниш Дунё океан тубининг жуда катта майдонлари учун хос бўлиб, Ернинг магнит майдони геометриясини шакллантиради. О.п. параметрларининг (таркиби, қатланиши, метаморфизми, қалинлиги ва ҳ.к.) майдон бўйлаб сақланиши, океан ўрталиқ тоғ тизмаларидан узоқлашган сари пўст ёшининг улгайиши, О.п. жинсларига нисбатан магнит майдони геометрияси ва характери,унинг континентал пўст билан латерал (ёнлама) бирикиши О.п. нинг пайдо бўлишини плитотектоник моделини тузиш имконини беради. Ушбу моделга биноан О.п. океан ўрталиқ тоғ тизмаларининг ўқ-рифтогенез зонасидан кўтарилаётган мантия моддаларининг иссиқликни тез ёʻқотмасдан секин совиши жараёнида тўпланишидан, ҳамда плиталарнинг дивергент чегараларида базалтли магманинг қотиши ва кристалланишидан ҳосил бўлади. Океан туби спрединги таъсирида янги ҳосил бўлган пўст дастлаб пайдо бўлган жойидан ўзида мужассамлашган параметрларни сақлаган ҳолда узоқлаша бошлайди. Бу модел литосфера плиталари ҳаракати тезлиги ва ёʻналишини ҳисоблаш имконини беради.