nota

ot 1. Muayyan balandlik va choʻziqlikdagi tovushni (musiqani) yozib olishda qoʻllanadigan shartli grafik belgi.

Malika opera sanʼati sirlarini oʻrganishi, nota yozuvlarini puxta egallashi uchun toʻqqiz yil tinimsiz izlanishda boʻldi. — Gazetadan

2. Musiqa yoki ashulada tovushning oʻzi.

Baland nota. Past nota.

3. Shunday belgilar bilan yozilgan musiqa asari matni; shunday matnlar yozilgan daftar, kitob va shu kabilar

— Kompozitor qaysi cholgʻuvchi qachon chalishini koʻrsatib bergan, mana notasi, — dedi dirijyor Salohovga. — S. Ahmad, Muzikali voqea

ot Bir davlatning boshqa bir davlatga yozgan rasmiy diplomatik murojaatnomasi.

Diplomatik nota. Rossiya hukumatining AQSH hukumatiga notasi.