нон
nonнон
от 1. Хамирдан тайёрланиб, тандир, ўчоқ, това ва шу кабиларда пишириладиган егулик.
Буғдой нон. Зоғора нон. Ширмой нон. Бўлка нон.
[Кампир] Нон ясаб бўлгунча, тандир қизиди. Кейин бир чеккадан ёпдим. — Ойбек, Танланган асарлар
2. Умуман, егулик-ичгулик, яшаш, тирикчилик учун зарур нарса.
— Матқовул ака, мен нон топармиканман, деб қорин ғамида мактаб очганим ёʻқ, — деди у [Ғуломжон] босиғи билан. — М. Исмоилий, Фарғона тонг отгунча
- Нон гадойи Нонга зор, камбағал-қашшоқ. У ё ўз-ўзини ўлдирарди, ё хизматкор йигит билан бир юртга қочиб, камбағалликда, нон гадойи бўлиб яшарди. — Ойбек, Танланган асарлар
- Нон емоқ Бирор нарсадан фойдаланиб тирикчилик ўтказмоқ, кун кечирмоқ. Доим ҳовли, ер жанжалидан нон еб юрадиган бир элликбоши, афандининг ёʻлини тўсиб, кўрган тушини айтиб берди. — Латифалар
- Нон синдириш (ёки ушатиш
- Нони бутун Тирикчилик, яшаш учун зарур нарсалари бут, муҳайё, ҳеч нарсадан камчилиги ёʻқ, бекам-кўст, тўкис. Сартарош у дунё, бу дунё хор бўлмайди. Ҳамма вақт нони бутун [деди кампир Шодига]. — Э. Раимов, Ажаб қишлоқ
- Нони яримта Бирор шерик ёки рақобатчи туфайли топиш-тутиши камайган, етишмай қолган. Нима, Қобилов келиб, нонимиз яримта бўлиб қолдими, аксинча, қўлни-қўлга бериб ишласангиз, битта нонингиз иккита бўлади. — С. Маҳкамов, Шогирд
- Нонини туя қилмоқ Бировга тегишли ҳақнинг маълум қисмини олмоқ, ўзлаштирмоқ. Бўшанглик қилсам, нонимни туя қилиб беришлари аниқ, — ўйлади Ёʻлчи. — Ойбек, Танланган асарлар.