nogiron

ot 1. Ishga yaroqsiz boʻlib qolgan, ojiz (odam yoki uning aʼzolari haqida).

Nogiron bola. Uning bir qoʻli nogiron.

Poʻlatjon nogiron oyogʻiga qarab xoʻrsinib qoʻydi. — S. Ahmad, Qadrdon dalalar

Oʻshanda u poliomiyelit kasalligiga qarshi emlash jarayonida shifokorning qoʻpol xatosi tufayli nogiron boʻlib qolgandi. — Gazetadan

2. koʻchma Notoʻgʻri fikr yuritadigan, toʻgʻri fikrga ega boʻlmagan.

Yoshlar oʻrtasida tanballar, maʼnaviy nogironlar, noshukurlar hali ham bor. — Gazetadan

3. koʻchma Yaroqsiz boʻlib qolgan, kamchiligi boʻlgan.

Eskirgan va yoshini yashab boʻlgan nogiron uskunalar gʻisht zavodlarida ishlab chiqarilayotgan mahsulotning sifatiga ham taʼsir qilayotganligiga chidab boʻlmaydi. — Gazetadan.

4. koʻchma Yumuq, ojiz.

Nogiron gʻunchalar ham birin-sirin ochila boshladilar. — Sh. Rashidov, Boʻrondan kuchli.