НЕФТЕВЫТЕСНЯЮЩЕЕ ДЕЙСТВИЕ ВОДЫ

qatlamga haydalayotgan suvning gʻovak, kovak va darzliklardan neftni samarali siqib chiqarishi. Neft konlarini ishlash amaliyotida qatlamdan neftni suv yordamida siqib chiqarish keng qoʻllaniladi. Qatlamda suvni harakatlanishiga u siqib chiqarayotgan neft taʼsir qiladi. Bunday taʼsir suv va neft qovushqoqligidagi farqidan kelib chiqadi. Qatlamda neft siqib chiqarilayotgan va suv harakatlanayotgan oblastlar yuzaga keladi. Ular bir-biridan harakatdagi suv-neft tutash yuzasi bilan ajralib turadi. Neft qovushqoqligi yuqori boʻlgan joylarda uyum oʻlchami tutqich oʻlchamiga nisbatan kichik va quduq diametri katta boʻlganda neftni suv bilan siqib chiqarish tezligi oshadi. Neft siqib chiqarilishidan boʻshab qolgan gʻovaklarga kirib kelayotgan suv gʻovak kanallari devoriga yopishib olgan neft komponentlaridan yuzaga keladigan qoʻshimcha qarshilikka duchor boʻladi. Bu oʻz navbatida suv sizishini pasaytiradi. Qatlamda neftning sizishi va uni quduqqa kirib kelishi undagi erkin gazning harakatiga ham bogʻliq. Agar neftli jinsda bir necha suyuq faza mavjud boʻlsa, u holda suyuqlik sizishi murakkablashadi., Suvning neftni siqib chiqarishi