НЕФТЕВЫТЕСНЯЮЩЕЕ ДЕЙСТВИЕ ВОДЫ

қатламга ҳайдалаётган сувнинг ғовак, ковак ва дарзликлардан нефтни самарали сиқиб чиқариши. Нефт конларини ишлаш амалиётида қатламдан нефтни сув ёрдамида сиқиб чиқариш кенг қўлланилади. Қатламда сувни ҳаракатланишига у сиқиб чиқараётган нефт таъсир қилади. Бундай таъсир сув ва нефт қовушқоқлигидаги фарқидан келиб чиқади. Қатламда нефт сиқиб чиқарилаётган ва сув ҳаракатланаётган областлар юзага келади. Улар бир-биридан ҳаракатдаги сув-нефт туташ юзаси билан ажралиб туради. Нефт қовушқоқлиги юқори бўлган жойларда уюм ўлчами тутқич ўлчамига нисбатан кичик ва қудуқ диаметри катта бўлганда нефтни сув билан сиқиб чиқариш тезлиги ошади. Нефт сиқиб чиқарилишидан бўшаб қолган ғовакларга кириб келаётган сув ғовак каналлари деворига ёпишиб олган нефт компонентларидан юзага келадиган қўшимча қаршиликка дучор бўлади. Бу ўз навбатида сув сизишини пасайтиради. Қатламда нефтнинг сизиши ва уни қудуққа кириб келиши ундаги эркин газнинг ҳаракатига ҳам боғлиқ. Агар нефтли жинсда бир неча суюқ фаза мавжуд бўлса, у ҳолда суюқлик сизиши мураккаблашади., Сувнинг нефтни сиқиб чиқариши