НЕФТЕПЕРЕКАЧИВАЮЩИЕ СТАНЦИИ

нефтни қувур узатгич орқали ҳайдашни таъминловчи қурилмалар мажмуи. N.x.s.ning асосий ва оралиқ турлари маълум. Бош N.x.s.da нефт-газ оладиган бошқармаларнинг сехларидан (нефтни тайёрлаш қурилмалари, тайёр маҳсулот парклари ва б.) ёки магистрал нефт қувур узатгичларидан, нефтни қабул қилиб олиб, миқдори ва сифатини аниқлаб кейинги стансияга ҳайдаш жараёнлари амалга оширилади. N.x.s.ning асосий технологик қурилмаларига (бош, магистрал) насосхона, қўшимча босим берадиган насосхона, резервуар парки, сурма зулфин ва филтрли қувур узатгичлар, ҳисобга оладиган ва тартибга соладиган қурилмалар узели, қириб тозалаш мосламасини жўнатадиган ва қабул қилиб оладиган узеллари киради. Оралиқ Н.х.с. қувур узатгичдаги ишқаланиш ҳисобига ёʻқотилган босим ўрнини қоплаш учун ҳайдалаётган нефтнинг босимини оширишга мўлжалланган бўлиб, нефт қувур узатгичи трассасининг ҳар 60—150 км масофасига жойлаштирилади. Оралиқ Н.х.с. асосий насосхона, сурма зулфинли ва филтрли технологик қувур узатгичлар, босимни тартибга соладиган, қириб тозалайдиган мосламани узатадиган ва қабул қиладиган ва босим тўлқинини сўндирадиган узеллардан ташкил топган. Айрим ҳолларда, оралиқ стансияларга кичикроқ резервуар парклари ўрнатилади. Н.х.с. технологик жиҳатдан ҳар хил: «Резервуарлар орқали», «Резервуарларни ишлатиш» ва «Насосдан насосга» режимларда лойиҳаланади ва ишлатилади. Резервуарлар орқали ишлатишда стансияга қувурлардан оқиб келаётган нефт резервуарларга қуйилади, шунда бошқа резервуарлардан насос ёрдамида асосий насосга узатилади ва магистрал нефт қувур узатгичга ҳайдалади. Сузувчи томлар ёки понтонлар билан таъминланмаган резервуарлар орқали нефтни узатишда, «катта нафас олиш» ҳисобига нефтнинг енгил фраксияларининг сезиларли даражада ёʻқотилиши кузатилади. «Катта нафас олиш»дан нефтнинг ёʻқотилишини бартараф этишда «Резервуарларни ишлатиш» режимидан фойдаланилади. Бунда стансияга келаётган нефт оқими қувур узатгичлари билан доим гидравлик боғлиқ ҳолда қабул қилинади. N.x.s.da резервуарлардан фойдаланилади. Нефт узатиш қувурлари резервуар паркларининг орасидаги участкасида ҳайдалаётган нефт ҳажми бир-бирига боғлиқ бўлмайди ва ҳар бир узатиш участкаси насосларининг ҳайдай олиш имконияти билан белгиланади. «Насосдан насосга» режими магистрал нефт қувури узатгичларининг оралиқ стансияларида қўлланилади. Бундай режимда нефт оқимининг ҳаммаси асосий насослар томон ёʻналтирилади. Шунинг учун ҳам стансияларда резервуарларга ва асосий насосларга ҳайдайдиган насослар ўрнатилмайди., Нефт ҳайдаш стансиялари