НЕФТЕБАЗА

neft va uning mahsulotlarini qabul qilish, saqlash va tarqatish vazifasini bajaradigan inshoot. Hozirgi N.b.lari murakkab texnik-muhandislik majmuini tashkil qiladi. Bularga binolar, qurilmalar, quvur uzatgichlar, sigʻimlar, nasos stansiyalari, neft va uning mahsulotlarini qabul qilish, saqlash va tarqatishda ishlatiladigan maxsus uskunalar mansub. N.b.larning quyidagi turlari maʼlum: a) bajaradigan vazifasiga koʻra — oraliq (transport vositasining bir turdan ikkinchi turga oʻtkazuvchi), tarqatish, oraliq-tarqatish va saqlash; b) transport vositalari boʻyicha — temir yoʻl, suv, temir yoʻl-suv, quvur uzatgich (magistral quvur uzatgich yoki uning tarmoqlari) va chuqurlikdagi neft mahsulotlarini avtotransportlardan qabul qiluvchi; v) saqlanadigan neft mahsulotlarining turiga koʻra umumiy saqlash bazalari — ochiq rangli neft mahsulotlari, yogʻlar, toʻq rangli neft mahsulotlari va b., Neft bazasi