natija

ot 1. Ish-harakat, voqea-hodisadan pirovardida kelib chiqqan oqibat; ish-harakat, voqea-hodisadan kelib chiqqan koʻrsatkich.

Elmurod boʻlar ish boʻldi, endi tishni tishga qoʻyib, natijani kutish kerak, deb oʻzini ovutdi. — P. Tursun, Oʻqituvchi

2. s. t. Foyda, naf; samara.

Toʻsatdan boshlangan hujum yaxshi natija bermadi. — I. Rahim, Chin muhabbat

Poʻlat otaning tepasiga kelib, uni gʻazabga olishdi, avrashdi — natija chiqmadi. — K. Yashin, Hamza

3. Fikr, muhokamaning mantiqiy yakuni; xulosa.

Natija chiqarmoq. Natijaga kelmoq.

Koʻrinishdan natija chiqarib aytganda, bu qiziq majlis uning [Kumush] uchun bazm oʻrnini emas, aza joyini tutgandi. — A. Qodiriy, Oʻtgan kunlar