НАСОС ДОЗИРОВОЧНЫЙ

vaqt birligida maʼlum miqdordagi suyuqlikni bosim berib harakatlantiradigan nasos. M.n.lar neft kimyosi va xalq xoʻjaligi (sanoat)ning boshqa sohalarida har xil toza neytral va agressiv suyuqliklarni, standart boʻlmagan qattiq fazasi umumiy massasining 10% idan oshmagan va kattaligi klapanni shartli oʻtish diametrining 1%idan koʻp boʻlmagan konsentratsiyali, qovushqoqligi 1500 s St gacha, temperaturasi 200°S gacha boʻlgan emulsiya va suspenziyalarni bosimli, hajmli meʼyoriy haydashda qoʻllaniladi. Mas. MN (ND) turidagi M.n. alohida agregat boʻlib, gidravlik qism, reduktor va elektr dvigateldan tarkib topgan. Nasosning gidravlik qismi gorizontal holatda (chervyakli) qoʻchqaroqli reduktor korpusiga kronshteyn yordamida oʻrnatilgan gidrotsilindrdan iborat. M.n. uzatkichi portlashdan himoyalangan yoki oddiy koʻrinishda bajarilgan oʻzgaruvchan tokli, asinxron elektr dvigatelidan va qoʻchqaroqli reduktordan tuzilgan. Reduktor uzatish valining aylanish dastasini kamaytirishga, elektr dvigatel valining aylanma harakati esa krivoship — shatun mexanizmining siljiydigan qismini ilgarilash-qaytish harakatiga keltirishga xizmat qiladi. Neft va gazni tayyorlash jarayonlarida M.n.lar eritma, reagent va ingibitorlarni qoʻshish uchun qoʻllaniladi., Meʼyorlovchi nasos