НАСОС ДОЗИРОВОЧНЫЙ

вақт бирлигида маълум миқдордаги суюқликни босим бериб ҳаракатлантирадиган насос. M.n.lar нефт кимёси ва халқ хўжалиги (саноат)нинг бошқа соҳаларида ҳар хил тоза нейтрал ва агрессив суюқликларни, стандарт бўлмаган қаттиқ фазаси умумий массасининг 10% идан ошмаган ва катталиги клапанни шартли ўтиш диаметрининг 1%идан кўп бўлмаган консентрацияли, қовушқоқлиги 1500 с Ст гача, температураси 200°С гача бўлган эмулсия ва суспензияларни босимли, ҳажмли меъёрий ҳайдашда қўлланилади. Мас. МН (НД) туридаги М.н. алоҳида агрегат бўлиб, гидравлик қисм, редуктор ва электр двигателдан таркиб топган. Насоснинг гидравлик қисми горизонтал ҳолатда (червякли) қўчқароқли редуктор корпусига кронштейн ёрдамида ўрнатилган гидроцилиндрдан иборат. М.н. узаткичи портлашдан ҳимояланган ёки оддий кўринишда бажарилган ўзгарувчан токли, асинхрон электр двигателидан ва қўчқароқли редуктордан тузилган. Редуктор узатиш валининг айланиш дастасини камайтиришга, электр двигател валининг айланма ҳаракати эса кривошип — шатун механизмининг силжийдиган қисмини илгарилаш-қайтиш ҳаракатига келтиришга хизмат қилади. Нефт ва газни тайёрлаш жараёнларида M.n.lar эритма, реагент ва ингибиторларни қўшиш учун қўлланилади., Меъёрловчи насос