наридан-бери

1. Шоша-пиша; енгил-елпи.

[Уста] Бир пиёла чойни наридан-бери ичди-да, ўрнидан турди. — О. Ёқубов, Ларза

У [Сидиқжон] юраги ғаш бўлди-да, отхонадан отни олиб чиқди, наридан-бери эгарлади-да онасининг кетидан от қўйди. — А. Қаҳҳор, Қўшчинор чироқлари

2. Чалакам-чатти, чала-чулпа, мендан кетгунча, эгасига етгунча зайлида.

Ҳар қандай масалани ўзбошимчалик билан наридан-бери ҳал қилишга тиришадиган Тожибой бу сафар бирор кимсанинг маслаҳатига, қўллаб-қўлтиқлашига муҳтож бўлди. — П. Турсун, Ўқитувчи