Мусамман

1. Arab, fors-tojik va turkiy xalqlar klassik poeziyasidagi lirik turga mansub sheʼr shakli. Musamman sakkiz misrali bir necha banddan iborat boʻlib, birinchi band yagona qofiyalanishga ega, qolgan bandlarning yetti misrasi oʻzaro, sakkizinchi misrasi birinchi bandga qofiyadosh boʻladi: a-a-a-a-a-a-a-a, b-b-b-b-b-b-b-a kabi. Ayrim musammanlarda birinchi banddan keyingi bandlardagi olti misra yagona qofiyaga ega boʻlsa, yettinchi va sakkizinchi misralar birinchi banddagi oxirgi baytning takrorlanishidan iborat boʻladi. Musamman oʻzbek klassik shoirlari ijodida koʻp uchraydi., musamman

2. Aruz sheʼriy sistemasida bir rukn baytda sakkiz marta takrorlanib kelsa, musamman termini qoʻllaniladi va bu termin oʻsha bahrning nomiga qoʻshib aytiladi. Masalan, mafoiylun rukni toʻlaligicha baytda sakkiz marta takrorlansa, hazaji musammani solim deb yuritiladi va h.k.