Моралите

XIV—XV asrlarda Gʻarbiy Yevropadagi koʻpgina mamlakatlarda keng tarqalgan falsafiy, diniy, axloqiy mavzularda yozilgan tarbiyaviy dramatik asarlar. Moralitedagi personajlar majoziy xarakterga ega boʻlib, unda barcha yomonliklar fosh etilib, yaxshilik ulugʻlangan. Moralite syujetlarida koʻpincha tarixiy, diniy, ertak motivlari maishiy motivlar bilan aralash holda uchraydi. Moralite janri dastlab Fransiyada paydo boʻlib, keyinchalik Angliya, Ispaniya, Gollandiya kabi mamlakatlarda ham keng tarqaldi, ammo XVI asrning ikkinchi yarmidan boshlab unga qiziqish pasayib ketdi. Moralite odatda sheʼriy yoʻlda yaratilib, sahnada oʻynashga moʻljallangan. Ayrim moralitelarda sotsial hajv elementlari ham mavjud boʻlib, ularda feodal munosabatlar tanqid qilingan. Lekin bunday asarlar juda ham ozchilikni tashkil etadi. Moralitelar ijodkori moralist termini bilan ifodalanadi., moralite